Lakimi I emrit të tij në media si një kandidaturë e mundshme për postin e trajnerit të Vllaznisë, duket se po e josh edhe vetë atë. Artan Bushati, ish-trajneri I Vllaznisë, Elbasanit por edhe I ekipit kombëtar Shpresa për disa vite, kërkon t’I rikthehet mesa duket sërish pasionit të tij të madh të trajnimit. Aktualisht ai është pedagog në Fakultetin e Edukimit Fizik në Universitetin “Luigj Gurakuqi” të Shkodrës megjithatë, ideja e rikthimit në pankinë e josh shumë. I pari që nxorri emrin e tij në skenë ka qenë Edi Martini, ai që për gazetën tonë do të jepte mendimin e tij se trajneri I ardhshëm I Vllaznisë duhej të ishte një shkodran dhe në këtë kontekst, dy emrat më të mundshëm sipas tij sihin Hysen Zmijani dhe Artan Bushati.
Ky I fundit, në ambjente të ndryshme, I ngacmuar nga sportdashës apo dhe gazetarë të ndryshëm, në emisionin “Sport Show” të televizionit TV1 Channel, do përgjigjej kështu për këtë çështje: “Jam shkodran dhe si I tillë, edhe unë kam përgjegjësinë të bëj më të mirën për qytetin tim, për Vllazninë. Nëse më është përmendur emri im si kandidat për trajner të Vllaznisë, sigurisht që kjo më jep kënaqësi por deri në këto momente, nuk kam asnjë kontakt apo sinjal për këtë gjë. Unë jam trajner dhe nëse do kem, do ta shqyrtoj si ofertë. E vetmja kërkesë që do kisha unë do ishte vetëm garancia financiare nga ana e Bashkisë për të ndërtuar një Vllazni pretendente. Kjo është gjëja më kryesore. Për të tjerat pastaj, se me kë do punoj, si do punohet etj, janë gjëra që zgjidhen me kalimin e kohës. E rëndësishme është vetëm që të jenë financat e duhura për të ndërtuar një skuadër të fortë dhe pretendente për titullin kampion. Kjo do ishte kërkesa ime e vetme”. Kjo është deklarata e Artan Bushatit, njeriut që vite më parë pat provuar vetëm pak muaj të drejtojë Vllazninë, para se të kalojë pastaj tek Elbasani, e me rradhë si anëtar I Komitetit Ekzekutiv të FSHF-së për të vazhduar me postin e trajnerit të Kombëtares Shpresa të cilin e mbajti për disa vite. Edhe në fund të tetorit, pas shkarkimit të Mirel Josës, në ambjente të ndryshme u përmend emri I tij por duket se ai vetë refuzoi ta merrte atë detyrë. Ndoshta për situatën në të cilën ndodhej Vllaznia, ndoshta edhe sepse sapo ishte larguar nga drejtimi I Shpresave dhe kishte nevojë të pushonte paksa. Por periudha e pushimit duket se ka mbaruar tashmë për Bushatin dhe është I gatshëm të kthehet. Tek Vllaznia apo jo, kjo pak rëndësi ka. Megjithëse ai dëshirën e ka në për të drejtuar skuadrën e qytetit të tij, në këtë përvojë të dytë, natyrisht me ambicje shumë më të mëdha prandaj dhe e përmendi në prononcimin e tij se kushti I vetëm është që të ndërtohet një Vllazni pretendente dhe për këtë ai, kërkon që financat të jenë të garantuara për të. Vetëm kaq. Për të tjerat pastaj mund të mendojë ai. Kuptohet që në listën mund të jenë edhe shumë kandidatë të tjerë. Nëse shumë prej tyre mund të kenë Brenda edhe frikën e të bërit “eksperiment” me skuadrën, ngaqë nuk njohin ambjentin, kampionatin shqiptar dhe shumë gjëra të tjera, ai ua di mirë “huqet” të gjitha këtyre gjërave. Prandaj mbetet një potencial serioz për pankinën e Vllaznisë për sezonin e ardhshëm.
www.shkodrasport.com
