Kampionatet rajonale të moshave për Zonën e Shkodrës po shkojnë drejt fundit.
Gjatë këtyre ditëve janë luajtur takimet gjysmëfinale sipas grupmoshave dhe tashmë kanë filluar të përcaktohen edhe ekipet finaliste.
Por supriza e këtyre ndeshjeve kanë qenë ekipet e “Atletik Klub Shkodra”.
Dy prej tyre kanë arritur në finale të kampionatit, aty ku do të ndeshen me ekipet e Akademisë Vllaznia.
Bëhet fjalë për ekipin U-17 që drejtohet nga trajneri Elis Legata dhe atë U-15 që drejtohet nga trajneri Saimir Kaloshi.
Ky i fundit ka fituar me 11-metërsha në gysmëfinale ndaj Scutarit.
“Atletik Klub Shkodra” kësisoj brenda një viti që është krijuar, ka hyrë shumë seriozisht në futbollin e moshave në Shkodër duke qenë një nga më të mirat që funksionon aktualisht.
Madje, sukseset e saj nuk janë vetëm në rang lokal sepse siç dihet, dy muaj më parë ekipi U-13 u bë fitues i një turneu ndërkombëtar të zhvilluar në Itali.
© shkodrasport.com
