Moment krize për Atleticon e Madridit. Skuadra bardhekuqe, pas eliminimit nga Dortmundi në Champions, dështon edhe në kampionat përballë Alavesit, në transfertë.
Ekipi i “Cholo” Simeones u mposht 2-0, duke pësuar nga një gol në çdo pjesë. Në minutën e 15-të e zhbllokoi rezultatin Benavidez, pas pasimit të marrë nga Garcia.
Atletico kishte minuta të tëra në dispozicion për të ndryshuar rrjedhën e lojës, por nuk Ia doli të gjente rrugën e rrjetës.
Alavesi shfrytëzoi hapësirat e lëna nga miqtë duke shënuar golin e dytë në minutën e dytë shtesë.
Atletico, pas kësaj humbjeje mbetet në kuotën e 61 pikëve, vetëm tri pikë më shumë se Bilbao.
