Përveç futbollistëve, të rëndësishme kuptohet që janë edhe lëvizjet e trajnerëve dhe jo vetëm tek ekipet e të rriturve por edhe tek ato të moshave.

“Atletik Klub Shkodra” ka bërë së fundi një lëvizje shumë të rëndësishme në këtë drejtim, duke përforcuar rradhët e
saj me një emër të njohur siç është ai i Vahedin Pepajt.

Ky trajner siç dihet është edhe numri 1 i pankinës së Adës të të rriturve, por gjatë kohës tjetër do të bëjë edhe
detyrën e trajnerit të moshave pranë kësaj Akademie.

Pepaj ka zënë vendin e Elton Bungajës që ka drejtuar ekipin U13 të “Atletik Klub Shkodra” por ai prej disa kohësh
është larguar jashtë Shqipërisë dhe për rrjedhojë tashmë është zëvendësuar me një emër të njohur.

Lajmin për këtë gjë e ka bërë të ditur vetë kjo Akademi në faqen e saj zyrtare kur ka postuar një foto të stafit të
trajnerëve ku krahas Elis Legatës, Erion Mandit, Saimir Kaloshit e Eder Zmijanit, është edhe Vahedin Pepaj.
www.shkodrasport.com