Arsenal ka arritur marrëveshje personale me Pierre-Emerick Aubameyang, është lajmi i fundit, të cilin e raporton Gianluca Di Marzio. Pierre-Emerick Aubameyang, i cili nuk ka udhëtuar me skuadrën e Borussia Dortmund për ndeshjen e së nesërmes kundër Hertha Berlin, është pajtuar për të nënshkruar një kontratë për tri vite e gjysmë me ‘Topçinjtë’ me pagë 10 milionë euro në vit.
Nesër pritet të ketë bisedime të mëtejshme ndërmjet Arsenal dhe Dortmund. Arsenal pret që Dortmund ta vlerësojë lojtarin me jo më shumë se 60 milionë euro.
