Eshte mbyllur ne barazim 1-1 “derbi” i kryeqytetit ne mes Tiranes dhe Partizanit, rezultat ky qe favorizon Egnatian e cila shkeputet e vetme ne krye te renditjes.
Një përballje e luftuar nga fillimi deri në fund, por nuk kishte fitues. Bardheblutë kaluan të parët në avantazh, teksa në minutën e 28-të, ishte Florent Hasani që zhbllokoi sfidën me një supergol.
Një lëvizje e zgjuar nga stoli e trajnerit Abilaliaj, vendosi baraspeshën. Në minutën e 80-të, Keko shfrytëzoi një pasim të marrë në zonë dhe shënoi golin e barazimit.
Rezultati nuk ndryshoi dhe në fund skuadrat ndanë pikët. Me këtë barazim, Partizani mban vendin e dytë me 29 pikë, 4 më pak se Egnatia kryesuese, ndërsa Tirana renditet në vendin e tretë me 22 pikë.
