Kur kanë mbetur vetëm 3 javë deri në fundin e këtij sezoni në Superiore, beteja më e ethshme mbetet ajo për mbijetesën në elitën e futbollit shqiptar.
Kamza dhe Teuta kanë një avantazh prej 2 pikësh ndaj Vllaznisë që mban vendin e parafundit që të çon në Kategorinë e Parë por në këto javë, kombinimet e rezultateve mund të bëjnë që të tri këto ekipe ta mbyllin me pikë të barabarta.
Sipas rregullores së Kategorisë Superiore, nëse dy ose më shumë ekipe kanë grumbulluar të njëjtën sasi pikësh, renditja e tyre në tabelën e klasifikimit përcaktohet duke mbajtur në konsideratë disa kritere, ku i pari është ai i pikëve të grumbulluara në ndeshjet direkte.
Në këtë aspekt, skuadra që bie nga Kategoria, nëse këto të tria e mbyllin kampionatin me pikë të barabarta, është Vllaznia.
Në “minikampionatin” mes tre skuadrave, në ndeshjet direkte, Teuta ka siguruar 14 pikë, Kamza ka siguruar 10, ndërsa Vllaznia ka siguruar vetëm 8 pikë. /vipsport/
