Vllaznia do të luajë në mesjavë kundër Universitatea Craiova, ndeshje e vlefshme për turin e dytë të Conference League.
Teksa në sfidën e parë shkodranët arritën të barazonin, edhe në të kthimit duken se do të shkojnë të karikuar në maksimum.
Ekipi rumun i drejtuar nga Laszlo Balint s’po kalon një formë të mirë dhe kjo shihet në rezultatet e regjistruara në kampionat.
Sot, Universitatea Craiova është përballur me Universitatea Cluj, ku ka barazuar 1-1. Kjo është ndeshja e dytë për këtë edicion sportiv dhe sërish rumunët s’kanë mundur të marrin më shumë se 1 pikë.
Ndeshja Universitatea Craiova – Vllaznia është programuar të luhet të enjten në 28 korrik, në orën 19:30./newsport/
