U nis për keq kjo javë e 25-të për Vllazninë e cila nuk arriti dot të fitonte vetë ndaj Partizanit dhe jo vetëm kaq por Kamza e Teuta ishin pranë fitoreve, por për fat, të dyja ato kanë barazuar.
Shumë “djegës” për durrsakët ka qenë padyshim goli i Xhejms në ’92 çka i ka dhënë pikën Skënderbeut në barazimin 1-1 ndaj Teutës në “Niko Dovana”.
Ndërkohë, edhe në Vlorë një ndeshje me shumë probleme por në fund Flamurtari dhe Kamza kanë sigluar rezultatin e barabartë 2-2.
Me këto rezultate, Vllaznia ruan diferencën prej 4 pikësh me Teutën e po ashtu edhe atë prej 7 pikësh me Kamzën që ka më lart në renditje.
© shkodrasport.com
