Tifo-grupi i Barcelona-s ‘Som un Clam’ ka publikuar një letër duke kërkuar dorëheqjen e presidentit Joan Laporta dhe bordit të klubit për shkak të çështjes Dani Olmo.
Presidenti i këtij grupimi tifozësh të Barcelona-s, Som un Clam, Joan Camprubi Montal, ka shprehur mendimin e tij për problemet në të cilat Laporta e ka çuar Barcelonën dhe ka kërkuar që 62-vjeçari dhe bordi i klubit të japin dorëheqjen në një letër të publikuar në rrjetet sociale.
Në letër thuhej:
“Nga Som un Clam duam të shprehim indinjatën dhe turpin tonë total të shkaktuar nga menaxhimi i Presidentit Joan Laporta dhe bordi i drejtorëve në lidhje me regjistrimet e Dani Olmo dhe Pau Victor dhe kërkojmë dorëheqjen e tij.
“Ajo që kemi përjetuar në orët e fundit të vitit 2024 tregon se rrethi vicioz në të cilin ka hyrë ekipi drejtues i klubit ka shpërthyer plotësisht.
“Më shpejt se sa mund të imagjinohet, menaxhimi amator dhe i çrregullt ka filluar të ndikojë në performancën sportive të ekipit të parë, i cili mund të privohet nga dy prej lojtarëve të tij.
“Duke pasur parasysh këtë situatë, Som un Clam këmbëngul se rrethi vicioz në të cilin kemi hyrë për shkak të menaxhimit të bordit, rrezikon asetet e klubit tonë dhe modelin e tij të pronësisë.
“Për këtë arsye, ne bëjmë thirrje për dorëheqjen e presidentit dhe bordit të drejtuesve, ndërsa u bëjmë thirrje tifozëve të Barcelona-s që të mobilizohen, ta kthejnë këtë situatë dhe të bëjnë zërin e tyre të dëgjohet.
“Në ‘Som un Clam’ ne duam gjithashtu të tregojmë solidaritetin tonë me lojtarët e përfshirë dhe të shprehim mbështetjen tonë për Dani Olmo dhe Pau Víctor në këto kohë të vështira. Ne kemi nevojë për talentin dhe angazhimin e tyre për të përballuar sfidat sportive të ekipit të parë me stabilitet”.
