Barcelona po punon për të nisur një cikël të ri, ku një pjesë e skuadrës aktuale do të konfirmohet dhe pjesa tjetër do duhet të largohet për të liruar hapësira për prurjet e reja. Mbrëmjen e djeshme katalanasit zyrtarizuan rinovimet me katër lojtarë të ekipit të parë. Ter Shtegen, Pike, De Jong dhe Lengle zgjatën bashkupinimin e tyre me katalanasit.
Ndërkohë, rinovimet nuk do të mbyllen me kaq sepse nga Spanja raportojnë se edhe tre titullarë të tjerë po diskutojnë rinovimet e kontratave. Serxhi Roberto ka gjithë karrierën te Barça dhe do vazhdojë të kontribojë për katalanasit. Kontrata e tij me Barçën përfundon në verën e vitit 2022 dhe klubi po punon për t’ia rinovuar, për të shmangur më pas një largim surprizë të “xholit” katalanas.
Raportohet se gjithashtu edhe Buskets është në bisedime për të rinovuar kontratën me Barçën. Aktualja përfundon në vitin 2023, por te Barça mendojna ta mbyllin që tani kontratën e fundit si futbollist me 32-vjeçarin, i cili kur të largohet padyshim do të jetë një nga legjendat e klubit për atë që ka dhënë në dekadën e fundit në klub.
“Cadena Ser” raporton se po punohet edhe për të rinovuar me Grizman. Një lajm surprizues ky, duke parë se kontrata e francezit përfundon në 2024-ën dhe për më tepër ai nuk është se po jep shumë nga talenti i tij për Barçën. Mbetet për tu parë vërtetësia e këtij lajmi, teksa nuk shpjegohen veprimet e fundit të Barçës. Katalanasit prej kohësh kërkojnë ulje pagash nga lojtarët, ndërkohë që tani nisin rinovimet në seri, që në parim përfshijnë edhe përmirësim page, përveç zgjatjes në kohë. /vipsport/
