Samuel Umtiti ka komplikuar kalimin e mundshëm të De Ligt te Barcelona. Qendërmbrojtësi francez, vendin e të cilit te katalanasit pritet ta marrë ylli i Ajax-it, nuk ka ndërmend të largohet.
Drejtuesit e Barcelona-s janë gati ta sakrifikojnë Umtiti për shkak të problemeve të shumta fizike që e kanë detyruar atë të luajë vetëm 10 ndeshje në këtë sezon mes kampionatit dhe Champions League.
Pavarësisht këtyre problemeve, 25-vjeçari ka një vlerë të lartë në merkato dhe shitja e tij do të mund të financonte blerjen e mbrojtësit holandez.
Gjithsesi, kampioni i botës është i bindur se mund të vazhdojë të ketë një rol të rëndësishëm te Barcelona, pavarësisht se zëvendësuesi i tij, Lenglet, po paraqitet më mirë.
Në rast se Umtiti do të refuzonte largimin, Barça do ta kishte të pamundur të merrte De Ligt./telesport/
