Ish-futbollisti i Kombëtares, Fatbardh Jera, i ftuar në studion e emisionit “Ëndërr Kuq e Zi”, foli në prag të miqësores mes Shqipërisë dhe Kosovës, ku u shpreh:
“Luan vëllai i madh me të voglin. Kjo ndeshje shërben gjithmonë për të parë të mirat dhe difektet e 2 ndeshjeve pasardhëse.
Do të kisha parë dëshirë që ndeshja të shkonte deri në limitet e mos dëmtimeve të njëri-tjetrit dhe t’i shërbente lojtarëve të rinj që ju jepet mundësia për t’u shprehur mirë dhe për t’u rritur në të ardhmen.
Në ndeshjen e parë miqësore kam qenë në stadium. Kam pasur dëshirë që gjithmonë kombi shqiptar të përfaqësohej nga një kombëtare. Do të ishim më të fortë. Në të ardhme besoj se do të unifikohemi dhe do të jemi bashkë.
Nuk më duket normale që një komb të ketë 2 shtete të ndryshme. Duhet të bashkohemi në një ekip kombëtar”, u shpreh Jera.
