Në Shkodër përforcimi i mbrojtjes ka marrë përparësi. Pas afrimit të Sedat Berishës pritet edhe një tjetër futbollist për qendrën e prapavijës. Renato Malota është i preferuar, por po shikohen edhe pista të tjera. Por jo vetëm në qendër do të ndërhyhet, pasi për krahun e majtë të mbrojtjes është Ergis Mersini lojtari që pritet. Gjirokastriti duhet të mbyllë fillimisht kontratën me Flamurtarin.
Ai nuk ka udhëtuar me ekipin në Turqi për të zhvilluar fazën përgatitore dhe Vllaznia me shumë mundësi do të jetë destinacioni i tij. Veçse në hyrje, mund të ketë lëvizje dhe në dalje. Kukësi kërkon për qendrën e mesfushës Florind Bardullën. Vetë mesfushori shkodran ka folur në “Sport Ekspres” dhe ia ka lënë në dorë drejtuesve arritjen e një marrëveshjeje, pasi është nën kontratë me Vllazninë dhe nuk vendos ai./EDS/
