Basania peson nje tjeter humbje ne kampionat, çka e largon gjithnje e me shume me objektivin e saj per te qene ne zonen ‘play-off”. Pasditen e sotme ajo eshte mundur me rezultatin 2-3 nga Naftetari ne ndeshjen e luajtur ne stadiumin “Bashkim Sulejmani” te Kuçoves.
Djemte e drejtuar nga trajneri Haris Lika jane kujtuar te luajne vetem ne 11 minutat e fundit te ndeshjes kur shenuan dy gola njeri pas tjetrit duke e ngushtuar rezultatin dhe me perpjekje deri ne fund per te barazuar, por ne fakt goli i trete nuk doli ne drite.
Basania e nisi mire ndeshjen duke e kontrolluar vazhdimisht topin dhe madje pati edhe ndonje rast te paster shenimi siç ishte ai i Shimajt dhe vetem kaq. Ne minuten e 32-te pas nje goditje kendi, nje dalje e gabuar e portierit Marku i ka dhene mundesine futbollistit Vrapi te kalonte ne avantazh Naftetarin dhe me kete gol do te mbyllej pjesa e pare.
Fillimi i pjeses se dyte eshte si mos me keq per miqte nga Bushati. Ne minuten e 53-te pesojne golin e dyte me autor Gjishtin dhe pese minuta me vone edhe te tretin me autor Karajn. Nje zhgenjim i madh tek Basania, por lojtaret e saj gjejne forca te reagojne dhe Brilant Hasaj ne ’79 do te shenonte golin e pare.
Dy minuta para fundit, Basania do te shenonte edhe golin e dyte me autor Arber Daija dhe me pas perpjekjet per golin e barazimit vijuan edhe ne shtesen prej kater minutash, por pa suksese sepse gjithçka do te mbyllej ne shifrat 3-2 per vendasit. Me kete humbje, Basania mbetet ne kuoten e 10 pikeve dhe zbret ne vendin e tete te renditjes, sepse ne te shtatin tashme eshte Naftetari me nje pike me shume./www.shkodrasport.com/
