Pavaresisht perpjekjeve dhe deshires se shfaqur ne fushen e lojes, Basania nuk ia ka dale te marre pike ne ndeshjen e rradhes per kampionat, ate te luajtur diten e sotme ne fushen sportive te Bushatit ndaj Ilirise. Kjo e fundit ia ka dale te fitoje 1-0 dhe te marre nje trepikesh me shume vlere per vete pretendimet qe ka.
Takimi ka qene shume i luftuar, pavaresisht se kushtet ne te cilat eshte zhvilluar kane lene per te deshiruar. Reshjet e shumta te shiut qe kane rene gjate gjithe dites, e kane renduar se tepermi terrenin e lojes dhe si rrjedhoje futbollistet e kane patur te veshtire ta bejne ashtu si duhet punen e tyre.
Pjesa e pare pavaresisht perpjekjeve te te dy ekipeve eshte mbyllur ne shifrat e barabarta 0-0. Ne te dyten nderkohe pas nje goditje nga kendi, miqte nga Fushe- Kruja ia kane dale te shenojne ne porten e mbrojtur nga Fatjon Marku me futbollistin Pergjoni.
Ky gol do te mbeste i vetem ne fuqi deri ne vershellimin perfundimtare te takimit duke sigluar keshtu shifrat 1-0 per miqte. Por nderkohe, drejtuesit e Basanias kane patur shume pretendime per arbitrimin e kesaj ndeshje dhe sipas tyre ai ka patur ndikimin e vet ne rezultatin e takimit.
Pas javes se 10-te te kampionatit, Iliria tashme ka arritur te grumbulloje 21 pike duke qene e pozicionuar ne vendin e trete te renditjes, nderkohe qe Basania mbetet me 10 pike ne vendin e 9-te./www.shkodrasport.com/
