Basania ka bere nje hap shume te gabuar dhe qe mund t’i kushtoje rende ne ecurine e saj te metejshme dhe pretendimet qe ajo ka. Pasditen e sotme ajo eshte mundur me rezultatin 1-0 ndaj ekipit te Klosit ne ndeshjen e luajtur ne fushen sportive te Klosit.
Ndryshe nga çfare pritej, paraqitja e futbollisteve te drejtuar nga trajneri Hasanaj ka qene vertete zhgenjyese ne fushen e lojes. Krejtesisht ndryshe nga sa e kishin menduar te gjithe dhe kjo u reflektua ne rezultatin perfundimtar te ndeshjes.
Ka mjaftuar nje gol i shenuar nga futbollisti Lika ne minuten e 49-te per t’i dhene fitoren vendase sepse pavaresisht perpjekjeve te sulmuesve te Basanias, ato nuk kane arritur te shenojne dhe si rrjedhoje i gjithe takimi eshte mbyllur me humbjen e ngushte 1-0.
Megjithate kjo ka mjaftuar per te sjelle edhe zhgenjim total tek drejtuesit sepse pavaresisht 8 perforcimeve te bera kohet e fundit, kjo nuk u reflektua aspak ne fushen e lojes dhe perkundrazi, Basania zhvilloi ndeshjen me te dobet te sezonit te deritanishem.
Pas javes se gjashte te kampionatit, ajo ka arritur te grumbulloje vetem 10 pike, duke qene e pozicionuar ne vendin e katert, me pike te barabarta me Eagle Football, nderkohe qe ne dy vendet e para jane Prestige me 16 pike dhe Arnisa me 12 pike./SHKODRA-SPORT.COM/
