Rreth dy muaj më parë u mor me shumë vrull dhe zell administrimi dhe drejtimi i klubit të futbollit “Vllaznia sh.a.”, nga Bashkia e Shkodrës, pas dorëheqjes së ish-presidentit Valter Fushaj. Pushteti vendor, jo vetëm në to momente, por edhe në vazhdimësi premtoi me të madhe se ekipin shkodran do ta mbante vetë, deri në janar, pas kalimit në shoqëria aksionere (sh.a.), në maja të larta dhe në kushte shumë të mirë financiare.
Gjithashtu nga bashkia e Shkodrës u premtua se të gjithë njerëzit e biznesit, që do të ndihmojnë në këtë periudhë Vllazninë, me shuma sado të vogla, qofshin ato, por edhe të mëdha, do të bëheshin publike dhe do të ishin shumë transparente për publikun. Por deri tani një gjë e tillë nuk ka ndodhur. Megjithëse futbollistët dhe stafi teknik i kanë marrë rrogat e tyre, edhe pse me pak vonesë, shumat janë vërtetë të pa përballueshme për një Bashki si ajo e Shkodrës, kur në një vit kalendarik, nga buxheti i saj, me vështirësi akordonte një shumë prej 90 milion lekë të vjetra, ndërsa kjo shumë financiare tani, kuqeblutë vështirë se u mjafton dy muaj rrogat e tyre, pa llogaritur këtu, që bashkia ka premtuar, të paktën edhe në letër, se do të ketë edhe premio në vazhdimësi, sikurse edhe gjoba. Por duke qëndruar tek premtimi i bashkisë, në këtë rast dy planësh, qoftë tek financat e mëdha, por edhe të transparenca e këtyre lekëve se nga vijnë, deri tani gjithçka mbetet enigmë. Nuk ka asnjë dilemë, që pas Bashkisë së Shkodrës, në financimin e Vllaznisë ka donatorë të ndryshëm, por nuk dihen arsyet se pse mbahen kaq sekret, kur ishte premtuar e kundërta. A do jetë e largët dita, kur këta emra, në mënyrë të drejtpërdrejtë apo të tërthortë të dalin në skenë apo të merren vesh?…Pse nuk bëhen transparente dhe në këtë mënyrë apo metodë pune a ezkiston rreziku i privatizimit të Vllazniësë “nën dorë” , apo me prapaskena nga më të ndryshmet?…Gjithçka mbetet për t’u parë dhe verifikuar kjo gjë, në vazhdimësi.
Mejdan Zhivani
