Java e pestë e kampionatit kombëtar të basketbollit për të reja ka dhuruar një tjetër fitore për ekipin e Vllaznisë. Duke luajtur në Tiranë ndaj skuadrës që mbante vendin e dytë në renditje- The Rosses, vajzat shkodrane kanë triumfuar duke fituar me rezultatin 53-39.
Një fitore që nuk është vënë asnjëherë në dyshim nga ekipi i drejtuar nga të mirënjohurit Xhuli Shestani dhe Renato Radoja. Në këtë mënyrë, me 5 fitore të arritura në po kaq ndeshje të luajtura, Vllaznia jo vetëm kryeson e vetme renditjen por duket se ka diferenca të mëdha me të gjithë ekipet e tjera pjesmarrëse.
Edhe pikaverazhi i këtij ekipi është shumë domethënëse: 432 pikjë të shënuara dhe vetëm 145 të pësuara. Pra ka një mesatare të lartë prej 86 pikësh për ndeshje të shënuara dhe vetëm 29 pikë mesatarisht për ndeshje të pësuara.
© shkodrasport.com
