Tek ekipi I basketbollit të meshkujve të Vllaznisë duket se gjërat nuk po shkojnë ashtu si duhet. Asnjë lojtar nuk ka ardhur si përforcim dhe jo vetëm kaq.
Disa nga titullarët kanë ndër mend të largohen, madje I pari tashmë e ka bërë zyrtare. Bëhet fjalë për qendrën Nikolin Arrën, lojtarin shtatëlatë qendër I cili prej disa kohësh ndodhet në Shtetet e Bashkuara të Amerikës.
Por Arra mund të mos jetë i larguari I vetëm. Vëllezërit Lekndreaj kanë qenë të kërkuar nga Kamza fillimisht ndërkohë që për më të voglin, Danielin, ditët e fundit ka shfaqur interes edhe ekipi i Partizanit.
Ende nuk është e qartë nëse do të largohet apo jo, por duhet thënë se tek Vllaznia situata nuk është aspak e mirë.
Në këtë aspekt, Vllaznia duket se do të jetë e destinuar për të rivalizuar për të mos rënë nga kategoria.
Duket diçka e pakuptimtë një situatë e tillë tek ekipi shkodran i cili deri para dy sezonesh ishte fitues trofesh dhe dominues absolut në basketbollin shqiptar ndërkohë që sot, i duhet të luftojë për të mos rënë nga kategoria.
© shkodrasport.com
