Paraditen e sotme në ambjentet e pallatit të sportit “Asllan Rusi” të kryeqytetit është luajtur ndeshja e parë gjysmëfinale e kampionatit kombëtar të basketbollit për të reja në mes ekipeve të Vllaznisë dhe Flamurtarit.
Ashtu siç pritej, ekipi shkodran e ka dominuar takimin në të gjitha drejtimet dhe për rrjedhojë nuk e ka patur të vështirë të fitojë ndaj vlonjateve.
Madje, fitorja e vajzave kuqeblu ka qenë e thellë 103-44. Pra 49 pikët e diferencës në mes dy ekipeve tregojnë qartë për superioritetin shkodran.
Vllaznia pret fituesen e çiftit Superior Basket- The Roses, për të mësuar emrin e ekipit kundërshtar të finales së kampionatit, finale kjo që do të luhet nesër në orën 11.00.
© shkodrasport.com
