Basketbollistet e Vllaznisë kanë arritur të marrin një tjetër fitore në kampionat. Këtë herë ndaj Studentit, ekip të cilin e mundin kësisoj për të dytën herë këtë kampionat.
Ka ndodhur kështu pasditen e sotme kur vajzat kuqeblutë kanë fituar në Tiranë ndaj këtij kundërshtari me rezultatin 84-76. Me këtë fitore, e katërta për të në këtë kampionat, Vllaznia e trajnerit Gjeçaj është e pozicionuar në vendin e dytë të renditjes, me pikë të barabarta me atë të shoqatës Tirana.
Ndërkohë, poshtë saj në renditje vazhdon të jetë ekipi kampion në fuqi i Flamurtarit.
Në këtë mënyrë, me këtë ecuri ekipi shkodran vazhdon të surprizojë në këtë kampionat duke qenë tashmë brenda të gjitha objektivave që ka.
Megjithatë me siguri që stafi teknik dhe basketbollistet e Vllaznisë do të provojnë edhe për më shumë, ndonëse do të jetë shumë e vështirë një gjë e tillë.
© shkodrasport.com
