Pasditen e djeshme ka qenë i pranishëm në ceremoninë e zhvilluar për nderimin e të madhit Sabah Bizi me titullin e lartë “Nderi i Kombit” dhe kuptohet si çdokush tjetër ka qenë i mendimit se ishte një titull mëse i merituar për këtë figurë të madhe të futbollit shkodran dhe atij shqiptar.
Alban Neziri, përgjegjësi teknik i Akademisë Vllaznia e ka vlerësuar gjithmonë maksimalisht këtë personalitet të futbollit dhe përdorte edhe një shprehje të bukur kur thoshte: “Unë dhe shumëkush tjetër në Shkodër kemi luajtur top, ndërsa Sabah Bizi ka luajtur futboll”.
Por sot ndërkohë Neziri ka përdorur një tjetër batutë shumë të bukur në instastory kur krahas fotos së dekorimit të djeshëm të këtij mjeshtri, shkruante: “Urime Sabah Bizit, te vetmit lojtar qe topi i futbollit i ka kerkuar autograf”.
Një batutë e bukur, por kuptohet që vlerësimet e bëra për këtë njeri kanë qenë të shumta dhe me të vërtetë që ai e meriton titullin “Nderi i Kombit” sepse i tillë është./SHKODRA-SPORT.COM/
