Pavarësisht interesimit të vazhdueshëm të Arsenal për mesfushorin Leroy Sane, drejtuesit e Bayern Munich janë të prirur të mbajë lojtarin 29-vjeçar, kontrata e të cilit skadon në qershor.
Shumë shpejt, siç raporton “Sky Sport De”, të dy palët do të takohen sërish për rinovimin e kontratës, për të mos lejuar një largim të lojtarit me koston zero.
Mediat konfirmojnë se bavarezët do t’i ofrojnë Sane një kontratë tjetër deri në vitin 2028, për një investim total prej rreth 14-16 milionë euro bruto.
Sane luan prej 5 sezonesh në Munih dhe në 216 ndeshje zyrtare ka shënuar 59 gola. Gjithsesi, rikthimi në Premier League, ku më herët ka luajtur me Manchester City, është një plan konkret për lojtarin./telesport/
