Teksa merkato e verës është mbyllur, Dinamo duket se nuk do të ndalet. Klubi kryeqytetas ka bërë me dije arritjen e marrëveshjes me JUan Camillo Mesa. Përmes një njoftimi në kanalin zyrtar, lajmërohet se kolumbiani është mbrojtësi i ri që i bashkohet skuadrës.
Ai ishte vitin e shkuar pjesë e Tuzlës, ndërsa këtë edicion do të kontribuojë për 18-herë kampionët e vendit. Në kanalin zyrtar të Dinamos thuhej:
“Juan Camillo Mesa është zyrtarisht lojtari i ri i FC Dinamo City.
25-vjeçari kolumbian që luan në pozicionin e mbrojtësit e ka nisur karrierën në vendlindje, ndërsa në vitin 2020 iu bashkua skuadrës së Šibenik në Kroaci.
Mesa vjen në klubin tonë pas një eksperience me skuadrën e Tuzla City të Bosnjes dhe do jetë një siguri e shtuar në prapavijën e 18 herë kampionëve të vendit”.
