Lojtari i kombëtares shqiptare Bekim Balaj ka preferuar që festat e fundvitit t’i festojë në Shqipëri. Ka shfrytëzuar këto ditë pushimi për t’i kaluar jo vetëm me familjarët por edhe me shokët dhe miqtë e tij.
Njëri prej tyre- Edon Hasani, ka postuar në profilin e tij në instagram një foto me të. Ka mjaftuar kjo dhe një nga tifozët e Tiranës i ka bërë një koment që shpreh dhe dëshirën e tij ku shkruan: “Edon Hasani, thuji t’vij ke Tirona”.
Por dëshira mbet dëshira. Balaj është pjesë e skuadrës FC Akhmat Grozny dhe do të vazhdojë të luajë me të deri në fund të kontratës, pavarësisht dëshirës së tifozëve bardheblu për ta patur sërish në rradhët e tyre.
Sulmuesi shkodran ka luajtur edhe më parë me Tiranën dhe ka lënë një përshtypje shumë të mirë tek tifozët e saj. Në fakt kampionati shqiptar po vuan për sulmues të tillë megjithatë objektivi i lojtarëve të tillë është për të bërë karrierë jashtë vendit dhe jo të kthehen sërish këtu.
© shkodrasport.com
