Akhmat Grozny ka humbur 1-0 në transfertë kundër Arsenal Tula në sfidën e vlefshme për javën e 21-të të kampionatit rus.
Bekim Balaj dhe Odise Roshi ishin titullarë për Akhmatin në këtë përballje.
Por, si sulmuesi, ashtu edhe mesfushori kuqezi nuk mundën të bënin diçka më shumë për të shmangur humbjen e skuadrës së tyre.
Roshi u aktivizua si mesfushor i majtë, ndryshe nga zakonisht kur luan në krahun e djathtë.
Balaj u zëvendësua në minutën e 83-të, ndërsa Roshi qëndroi në fushë deri në fund të sfidës.
Akhmat Grozny, me këtë humbje komplikon situatën, sepse ndodhet vetëm 3 pikë larg zonës së play-off-it të rënies nga kategoria.
