Ish-lojtari dhe ish-trajneri i Real Madrid Bernd Schuster ka thënë se Mbappe nuk duhet të fajësohet për fillimin jo shumë bindës të sezonit nga ana e skuadrës së Ancelotti-t.
“Ndonjëherë, pavarësisht cilësive të një lojtari, është e vështirë të përshtatesh me një realitet të ri”, ka thënë Schuster.
“Mendoj se është një çështje ndeshjesh. Ai e di se çfarë duhet të bëjë, është çështje kohe. E gjithë skuadra duhet të ndryshojë, jo vetëm ai.
“Për momentin nuk ka asnjë lojtar në ekip që mund të zëvendësojë Toni Kroos. Soliditeti i tij nuk mund të zëvendësohet nga askush.
“Nuk do të ketë një tjetër si ai sepse ai ka shënuar një epokë dhe kjo nuk mund të ndryshojë në dy muaj”./telesport/
