Besa e Kavajes e ka marre shume seriozisht ndertimin e skuadres per sezonin e ri dhe levizjet e para u pane diten e djeshme kur u prezantua trajneri Mirel Josa si dhe dy futbollistet e pare qe kane firmosur per te, Mentor Mazrekaj dhe Jurgen Goxhaj.
Po çfare ka ndodhur ne kete ndryshim kursi? Me kryesorja eshte rritja e bashkepunimit ne mes drejtuesve te klubit dhe Bashkise Kavaje. Por mbi te gjitha rritja e fondit qe do te perdoret per arritjen e objektivit, ngjitjen ne Superiore.
Behet e ditur se për të arritur këtë objektiv madhor, pritet që për Besën të akordohet një buxhet më i madh sesa vitet e shkuara. Si fillim janë në lojë 600 milionë lekë për formatimin dhe mbarëvajtjen e skuadrës në sezonin e ri. Por gjasat janë që kjo shifër të vijë në rritje, që ka të bëjë me bonuset dhe ndërhyrjet që mund të bëhet sipas nevojave edhe në merkaton e dimrit.
Por nga ana tjeter nje vendim i rendesishem eshte edhe ai per t’i luajtur ndeshjet ne stadiumin e Rrogozhines. Drejtuesit kanë gjetur akordin me fqinjët e Rrogozhinës dhe “Arena Egnatia” do të shërbejë si shtëpi pritëse edhe për Besën. Shpresohet që shtëpia e kampionëve të shërbejë si një ogur i mirë edhe për verdhezinjtë, që në fund të sezonit 2024-2025 të sigurojnë ngjitjen në Superiore.
