Ndeshja e javës së 11-të të Superligës në mes Besës dhe Vllaznisë ende nuk dihet se ku do të luhet. Kjo ngaqë drejtuesit kavajas ende nuk e kanë vendosur se ku do ta luajnë ndeshjen si ekip pritës që janë. Ata në fakt kanë pritur mbledhjen e sotme të Komisionit të Apelit për faljen e dënimit prej6 ndeshjesh të dënimit të fushës së tyre, por edhe ky Komision, ashtu si ai i Disiplinës, e ka lënë në fuqi atë dënim. Kjo gjë i ka irrituar së tepërmi drejtuesit e Besës që madje pasditen e sotme kanë bërë deklarata shumë të forta kundër Federatës madje duke paralajmëruar edhe bojkotimin e kampionatit. Megjithatë kjo vështirë të ndodhë sepse skuadra do kishte pasoja të rënda pastaj. Deri mbrëmjen e sotme drejtuesit e Vllaznisë ende nuk kanë marrë asnjë njoftim se ku do luhet ndeshja. Kuqeblutë nesër paradite do të zhvillojnë seancën e fundit stërvitore dhe pasdreke do të duan të nisen për t’u sistemuar në një qytet tjetër në këtë pragndeshje, ashtu siç ndodh zakonisht por ende nuk dinë se ku. Me siguri që paradite ata do marrin sinjalizimin e duhur për këtë. Flitet se alternativat mund të jenë Durrësi ose Fushë- Kruja ndërkohë që si opsion ka qenë edhe Fieri. Gjithçka do zgjidhet paraditen e nesërme me shumë mundësi.www.shkodrasport.com
