Skuadra e Besëlidhjes ka arritur të fitojë 1-0 në ndeshjen e luajtur pasditen e sotme në stadiumin e Lezhës ndaj Adës së Velipojës. Ka qenë një ndeshje e fortë dhe me rivalitet për të dy skuadrat. Fatin e ndeshjen e ka vendosur gjyqtari i takimit që ka akorduar një 11-metërsh në fundin e pjesës së parë. Ky 11-metërsh është kthyer në gol nga portieri Xhixha i lezhjanëve. Me këtë fitore, skuadra e Besëlidhjes vazhdon të ruajë ritmin e saj duke qenë gjithnjë në ndjekje të Luftëtarit kryesues. Fitorja e sotme megjithatë nuk ka qenë e lehtë sepse përballë ka patur një skuadër si Ada e cila nuk thyhet kollaj. Trajneri i saj Samuel Nikaj ka bërë një punë shumë të mirë me këtë skuadër dhe kjo reflektohet në çdo ndeshje që ajo luan. Edhe Ada duket brenda objektivave të saj teksa është shumë pranë një vendi në gjashtëshen e ekipeve më të mira të kategorisë së parë.

ARTIKUJ TË NGJASHËMMË SHUMË NGA AUTORI