Beselidhja “i ben nder” Vllaznise dhe kampionatit. Lezhjanet e drejtuar nga trajneri Afrim Bilali kane fituar me rezultatin 88-70 ndaj Tiranes dhe ne kete menyre, nese shkodranet fitojne neser ndaj Apolonise, do te jene ata qe do te ngjiten ne vendin e katert dhe do te sigurojne fazen play-off.
Ndeshja Beselidhja- Tirana e luajtur mbremjen e sotme ne pallatin e sportit “Asllan Rusi” te kryeqytetit dhe eshte dominuar nga lezhjanet te cilet nuk e kane vene asnjehere ne dyshim fitoren. Ato e kane fituar perioden e pare ne shifrat 27-10 duke treguar qe ne fillim se do te jene ata “zoter” te fushes.
Ne perioden e dyte, eshte ruajtur avantazhi dhe ajo eshte mbyllur 25-24 po per Beselidhjen dhe ne kete menyre, ajo shkoi ne pushimin e ndeshjes me nje avantazh te konsiderueshem prej 18 pikesh. Dy periodat e tjera jane mbyllur 16-14 dhe 20-22 dhe ne kete menyre i gjithe takimi eshte mbyllur me rezultatin 88-70 ne favor te lezhjaneve.
Nderkohe neser ne oren 18:00 do te luhet sfida e shumepritur Vllaznia- Apolonia ne pallatin e sportit “Qazim Dervishi” dhe kuqebluve te trajnerit Eni Llazani u duhet me çdo kusht fitorja per te qene ata ne play-off. Kjo sepse me pike te barabarta me Tiranen, do te jene ata qe do te zene vendin e katert dhe do te vijojne garen per titullin kampion.(www.shkodrasport.com)
