Veleçiku ka marrë sot fitoren e tretë në kampionat duke mundur 2-1 Korabin, në një ndeshje që ka patur jo pak tension. Një tension i prodhuar kryesisht nga arbitrimi i cili ka lënë shumë për të dëshiruar.
Këtë gjë e ka pohuar në prononcimin e tij për mediat edhe vetë trajneri i koplikasve Besnik Duli kur shprehet:
“Një fitore e merituar në një ndeshje me tension, tension i cili u provokua nga një arbitrim shumë i dobët prej të cilit në fakt jemi ndëshkuar shumë sepse nëse arbitrat do kishin qenë më korrekt, do kishim fituar më thellë.
Megjithatë, rëndësi ka marrja e trepikëshit. Kemi zhvilluar një ndeshje shumë të mirë, djemtë i kanë zbatuar pikë për pikë detyrat e dhëna dhe fituam falë golave që shënoi sulmuesin ynë kryesor Toma, i cili më në fund u zhbllokua.
Duhet të vazhdojmë në këtë rrugë sepse nuk kemi arritur asgjë. Objektivi i Veleçikut vazhdon të jetë i njëjti: Qëndrimi në kategorinë e parë.
Nëse vazhdojmë të luajmë në këtë mënyrë, ky objektiv është mëse i arritshëm sepse kemi edhe mbështetjen e zjarrtë të tifozëve tanë të mrekullueshëm”.
© shkodrasport.com
