Trajneri i Erzenit, Alfred Deliallisi është shfaqur i kënaqur pas fitores me Dinamon. Pas ndeshjes ai u shpreh se beson tek ky grup dhe se triumfin ia dedikon shokut të tij të ngushtë.
“Besoj tek kualiteti i lojtarëve, besoj që nuk kanë limite. Ky lloj grupi ka vetëm 3-4 javë që punojmë bashkë pasi disa kanë ardhur më herët disa më vonë, por në ditët që kemi përpara do lidhemi më shumë me njëri tjetrin dhe të shkojmë në maksimumin e përgatitjes fizike të lojtarëve, kjo është puna më e vështirë që kemi sepse edhe ndeshjet që kanë qenë afër.
Normalisht që shfaqa nervozisëm sepse doja tju jepja kurajo dhe ti shtyja më shumë çunat për të mos u dorëzuar, sepse edhe në pushim të ndeshjes iu thash që do të jetë një ndeshje e gjatë dhe shumë e vështirë duhet të derdhnim gjak dhe të shkojmë në maksimumin e limiteve tona për tja dalë mbanë, dhe rezultoi që ishte e vërtetë.
Kam një shok të ngushtë që është në një moment të vështirë që do të bëjë një transplant të veshkave në Turqi, dhe këtë fitore ia dedikoj Krenarit sepse i thash përpara ndeshjes, që do ta fitoj për ty dhe i lutem zotit tja dalë me sukses”, deklaroi ai për “MCN TV”.
