Viti 2018 po shkon drejt fundit dhe në të tilla momente është koha për të bërë edhe bilance. Njëkohësisht edhe përzgjedhje për të vlerësuar më të mirët. Agjensia e spektakleve “Buna 1” do të organizojë spektaklin tradicional “Best 10 North 2018” dhe në mes të tjerë do të përzgjedhë edhe sportistin më të mirë të vitit.
Organizatorët kanë përzgjedhur katër të tilla të cilët do të votohen për të zgjedhur pastaj më të mirin. Bëhet fjalë për kampionin dhe rekordmenin e atletikës Franko Burraj si dhe për kampionatin e Ballkanit në xhudo Roland Vasija.
Po ashtu për boksierin më të mirë të Shqipërisë për këtë vit Arjon Kajoshi dhe për kapitenin e Vllaznisë në volejboll Nikolin Qafarena që gjatë vitit 2018 është shpallur kampion i Kosovës me ekipin e Pejës dhe po ashtu “kampion dimri” me Vllazninë.
Katër sportistë me një CV që pakkush mund ta vërë në dyshim nëse e meritojnë të bëjnë në këtë votim megjithatë tashmë e kanë në dorë shkodranët për të zgjedhur më të mirin. Votimet do të zgjasin një muaj dhe ndërkohë ceremonia e shpalljes së më të mirëve do të zhvillohet më datë 20 janar në teatrin Migjeni.
© shkodrasport.com
