Pak ditë më parë u bë publike edhe një listë prej shtatë emrash që specialistë dhe personalitete të futbollit shkodran kishin propozuar për Bordin e ri Mbikëqyrës të klubit Vllaznia.
Ndër emrat e propozuar kanë qenë ato të Sabah Bizit, Paulin Ndojës, Fatmir Paçramit, Taip Piraniqit, Lazer Matisë, Mhill Shkëmbit dhe Erogen Brajoviç.
Sipas asaj çfarë ishte parashikuar, këto emra do t’i paraqiteshin për miratim në mbledhjen e rradhës Këshillit Bashkiak dhe Asamblesë së Përgjithshme të klubit.
Por sakaq, mësohet se një të propozuarit, pikërisht Fatmir Paçrami, ka vendosur të tërhiqet nga kjo detyrë.
Ai si gjithnjë, më shumë ka dëshirë të japë kontributin e tij në fushën sportive sesa atë drejtuese.
Prandaj dhe u ka bërë të qartë se nëse kanë nevojë për ndonjë këshillë në aspektin teknik apo zbulimin e talenteve të reja, është i gatshëm të ndihmojë, por jo për poste drejtuese.
© shkodrasport.com
