Data 9 shtator është përcaktuar si starti i Kategorisë së Parë për sezonin 2018-2019. Por, ashtu si edhe ka ndodhur rëndom, me shumë gjasa mund të ketë një tjetër shtyrje, ndoshta për një javë.
Nga sa ka mësuar “Vipsport.al”, nga burime pranë FSHF-së, bëhet e ditur se ka klube, madje edhe nga ato që janë pretendente të të dyja grupeve, të cilat kanë detyrime të mbartura të papaguara, madje edhe pse janë paralajmëruar disa herë.
Por, jo vetëm kaq, pasi ka fusha e stadiume të cilat janë ende në proces punimesh. Ndaj edhe pritet që këto 2-3 ditët e para të kësaj jave, të ketë edhe inspektime në disa stadiume të Kategorisë së Parë.
Njekohesisht do të shihen me imtësi nëse janë realizuar detyrat e lëna në klubet e ngjitura të Kategorisë së Parë, si: Vora, Veleçiku apo dhe Orikumi.
Nëse për orikasit situata është më ndryshe, pasi klubi ka nisur punimet qysh në qershor, Vora e Velçiku duhet që të përshpejtojnë, ndonëse bëhet e ditur se edhe vorakët mund të përfundojnë në Pezë-Helmës ashtu si dhe Dinamo për tëë luajtur ndeshjet si pritës. /VipSport/
