Të paktën 15 futbollistë brazilianë e kanë vendin e sigurtë në kombëtaren e Brazilit për Kupën e Botës “Rusi 2018”, që do të zhvillohet në verën e këtij viti.
Këtë lajm e ka konfirmuar vetë trajneri i Seleçaos, Tite në një intervistë të dhënë për “UOL Esporte”.
Tekniku i përfaqësueses jeshil-artë ka zbuluar edhe emrat e 15 futbollistëve me një vend të konfirmuar në Botërorin Rusi 2018, si dhe kriterin e përzgjedhjes së tyre.
“Do të jenë me siguri ata që bëjnë pjesë përgjithësisht në formacionet titullare me ekipet e tyre: Alisson, Dani Alves, Marquinhos, Miranda, Marcelo, Casemiro, Paulinho, Renato Augusto, Coutinho, Neymar, Gabriel Jesus, plus Thiago Silva, Fernandinho, Willian dhe Firmino”./telesport/
