Brazili ka firmosur një marrëveshje me Tottenham Hotspurt dhe do të përdorë ambientet ku stërvitet klubi i Premier League, gjatë grumbullimit para Kupës së Botës 2018 në Rusi.
Pesë herë kampionët e Europës do të stërviten në Londër për miqësoret kundër Kroacisë më 3 qershor, në një stadium anglez që ende nuk është përcaktuar dhe kundër Austrisë më 10 qershor në Vjenë.
Brazili është në Grupin E të Kupës së Botës dhe do ta luajë ndeshjen e parë kundër Zvicrës më 17 qershor, pastaj do të ndeshet me Kosta Rikën dhe Serbinë
“Si vazhdim i miqësisë dhe bashkëpunimit me Tottenham, kemi rënë dakord që skuadra do të grumbullohet në Londër dhe do të stërvitet në ambientet e klubit të Tottenham duke nisur nga data 28 maj.
Ne do të kemi në dispozicion një palestër, një pishinë, hotelin e klubit dhe dy fusha futbolli me bar natyral sipas standardeve të FIFA-s,” – shkruhej në komunikatën për shtyp të Federatës Braziliane të Futbollit./telesport/
