Brazili mbeti jashtë Kupës së Botës pasi u eliminua nga Belgjika, por gjithsesi protestat nuk munguan nga ana e “seleçaove”.
Në një moment kur ndeshja ishte në shifrat 0-2, ishte Kompani që ndërhyri direkt brenda zone ndaj Gabriel Zhezus.
Edhe pse rasti u pa në VAR, arbitri serb vazhdoi lojën si rivënie fundore, duke qenë se topi ishte shumë pranë vijës fundore.
Nga ana e brazilianëve kishte disa protesta, por në fund asgjë nuk u akordua.
Në televizionet angleze, legjenda si Rio Ferdinand, Alan Shirer apo Geri Lineker, njëzëri treguan të gjithë se ishte penallti.
