Futbollisti Dani Alvesh mbrëmjen e djeshme u shpall kampionë i Francës, teksa triumfoi në kampionat me ekipin e PSG, skuadër me të cilën u bashkua 2 vite më parë. Por, titulli i fituar këtë herë kishte një shijë ndryshe për mbrojtësin, i cili u kthye në futbollistin me më shumë trofe të fituar në historinë e futbollit.
Ky ishte trofeu numër 42 për Dani Alvesh, teksa sigurisht suksesin më të madh e ka arritur gjatë kohës kur aktivizohej me fanellën e Barcelonës.
Në kohën e tij tek katalanasit, Alvesh arrit të koleksiononte plot 23 trofe, ndërsa në palmaresin e 36-vjeçarit nuk mungojnë as tituj kur aktivizohej në kampionatin brazilian me Bahian, me Sevijën në Spanjë apo me Juventusin në Itali.
Tashmë së fundmi, Alvesh ka shtrirë suksesin e tij edhe në Francë, me PSG, ndërsa mbrojtësi do të ketë ende mundësinë të shtojë numrin e trofeve pasi në horizont nuk duket asnjë plan për t’u tërhequr. Ndërkaq Alvesh tashmë është pjesë e historisë së futbollit, teksa duket se trofetë dhe braziliani ecin në të njëjtin drejtim./VipSport/
