Vllaznia e ka nisur mbare kete sezon dhe deri me tani ne 4 ndeshjet e luajtura ne kupe dhe kampionat, ka arritur 4 fitore.
Kjo ka bere qe rreth skuadres te kete shume entuziasem dhe te gjithe flasin per nje Vllazni ndryshe e cila se paku do te jete ne zonen europiane ne fund te sezonit.
Por ai qe kerkon ta ule me kembe ne toke skuadren eshte trajneri Brdariç. I qete, nje gjerman i vertete, mundohet te beje me te miren ne fushe dhe kerkon gjithmone maksimumin prej lojtareve.
Ne çdo deklarate qe ai ben ne media, nuk flet per objektiva madhore por thjesht deklaron se Vllaznia sheh vetem ndeshjen e rradhes.
Si rrjedhoje pas fitores se djeshme ndaj Elbasanit per kupe, Brdariç ka deklaruar se tashme e gjithe vemendja eshte e perqendruar ne sfiden e rradhes, ate te javes se ardhshme me Tiranen.
Nje perballje e veshtire ne leter, por trajneri gjerman e konsideron thjesht nje perballje te zakonshme ne te cilen futbollistet e tij duhet te tregojne ate çfare dine te bejne dhe asgje me shume.
Deri me tani ata kane bere vetem detyren dhe kete gje duhet te bejne edhe ne ndeshjen e rradhes me Tiranen./SHKODRA-SPORT.COM/
