Ylli i Kombëtares shqiptare, Armando Broja i ka dedikuar disa fjalë zemre nëpërmjet rrjetit social “Instagram”, Mario Mitajt dhe Ernest Muçit, pas eliminimit të Shqipërisë nga Euro 2024.
Të 3 këta futbollistë kanë qenë së bashku te moshat, që nga ekipi U19 deri te Shpresat U21, teksa talenti i Çelsit ka bërë një gjetje tepër speciale duke u thurur elozhe kuqezinjve:
STORY I BROJËS PËR MITAJN:
“Vëllai im mbaje kokën lart. Ishte një kënaqësi e madhe të ndaja këtë eksperiencë me ty brenda dhe jashtë fushe. Çfarë performance në të gjitha ndeshjet, vetëm fillimi për ty o ylli i ri. Mezi pres për më shumë kujtime së bashku në këtë Kombëtare. Krenar për ty vëlla, e meriton”.
BROJA MITAJ
STORY I BROJËS PËR MUÇIN:
“Të kam njohur për kaq shumë kohë, që nga U19 së bashku dhe është një ndjenjë speciale që tani jam në Kombëtare me ty. Ke qenë gjithmonë një lojtar i madh. Vëlla, të premtoj se koha jote do të vij 100%. Thjeshtë vazhdo e puno siç bën gjithnjë dhe së bashku do të kombinohemi sërish për Kombëtaren siç bënim te U19-a. Kaq shumë dashuri për ty vëlla”.
