Bundesliga mund të thyejë rekordin e shikueshmërisë këtë sezon. Vetëm në vitin 2011 ka patur fluks më të madh në fazën e parë të kampionatit në stadium, por po bëhet edhe më mirë.
Bundesliga kishte në fazën e parë një mesatare shikueshmërie prej 43429 vizitorësh për ndeshje.
Ky është rezultati i dytë më i mirë në fazën e parë, që nga themelimi i Bundesligës në vitin 1963, tha Liga Gjermane e Futbollit të martën. Vetëm në gjysmën e parë të sezonit 2011/12 erdhën 44345 tifozë në stadium.
Krahasuar me një sezon më parë ku 40271 tifozë ishin prezent në stadium, vlera aktuale paraqet një rritje prej tetë përqind.
Një shpjegim për këtë është ringjallja e dy klubeve tradicionale VfB Stuttgart dhe Hannover 96, që tërheqin ndjeshëm më shumë tifozë dhe kanë stadiume më të mëdha se të FC Ingolstadt dhe Darmstadt 98.
Edhe pse klubet si Hamburger SV, Hertha BSC ose Mainz 05 ankohen këtë sezon për një rënie të shikueshmërisë së tyre, shfrytëzimi i stadiumeve ishte në të gjitha vendet sipas DFL në këtë sezon sërish mbi 90 për qind. /EDS/
