Shqipëria U21 do të luajë dy ndeshje zyrtare ndaj Spanjës dhe Estonisë dhe në kuadër të këtyre takimeve, trajneri Alban Bushi ka bërë publike listën me të grumbulluarit për këto ndeshje. Ai ka folur edhe për mediat, duke sqaruar edhe futbollistët e ftuar.
“Spanjën e njohim mirë dhe dimë si luan. Pavarësisht që u mundëm 3-0 kemi bërë gjëra pozitive. Këtu nuk do të luajmë si në Spanjë pasi kemi bërë përmirësime. Pavarësisht se kishim sulmuesa dhe u munduam shumë që të merrnim Vrionin ai iku për te ekipi i parë dhe duhet të gjejmë sulmues të tjerë.
Do të luajmë me një sulmues dhe shpresoj që sezonin tjetër ta nisim mbarë me këto .
Jam i kënaqur nga ndeshjet që kemi bërë por jo nga rezultati. Gjithmonë kemi pasur probleme me formacionin dhe mungesa, megjithatë lojanjonë ka qenë e mirë por ka munguar rezultati dhe vetëm ai mbahet mend në fund, por edhe kemi dërguar shumë lojtarë të tjerë te Kombëtarja.
Abazaj luan me një ekip të fortë, luan me U21 e Anderlehtit dhe mendoj se te ne mund të bëjë shumë mirë. Nga lojtarët që ne kemi dhe nuk është e thënë që nëse nuk ka minuta nuk luan me ne. Ai po stërvitet dhe ne kemi për detyrë që t’i ndihmojmë futbollistët në nevojë.
Blerim Krasniqi? Kransiqi mund të jetë alternativë dhe jo se nuk ka merita por ne nuk perspektivë pasi do të fillojmë me lojtarë të 98-ës.
Esat Mala? Ai ka qenë në ekip dhe kam shprehur gjithmonë që ai do të jetë më i rëndësishmi nëse vazhdon kështu, por ai është i 96. Tani do të vijë rasti i Hebajt dhe Malës. Durmishi është i ri në moshë dhe Kombëtarja A ka shumë sulmuesa dhe janë zgjedhje të trajnerit. Duhen parë edhe se çfarë futbollistësh na duhen.
Shefiti dhe Zejnullahi nuk janë këtu dhe do të jenë me ne muajin tjetër, pasi këtë herë dua që t’i përfundoj me të datëlindjes 96. Çdo shqipfolës ne do ta thërrasim në kombëtare dhe për ne nuk përbën problem se nga është.
Sado që flasim për objektiv nëse ne jemi ata që zotërojmë lojën dhe mbajmë topin, s’ka problem nëse pësojmë në fund kemi humbur nga gabime individuale.
Jemi ballkanas dhe duhet të jemi të përqendruar deri në minutën e 95, pasi kemi marrë eksperiencë dhe duhet të kemi vëmendje. Lojën e bën ekipi jonë, por kur sheh në fund, ka fituar kundërshtari.
Gabimet tona kanë qenë individuale por nuk do t’i ndëshkojmë futbollistët. Lojtarët tonë i kanë të gjitha mundësitë por duhet përqendrim dhe regjim”, u shpreh Bushi. Ajo qe te ben pershtypje ne listen e fundit te trajnerit Bushi eshte mosgrumbullimi i asnje lojtari te Vllaznise./Vipsport/
