Prej disa kohësh tashmë, ndër pytjet që shqetësonte më shumë teknikët e Kombëtareve, para Kampionat Evropian të futbollit, Euro 2024, ishte ajo nëse mund grumbullonin 26 lojtarë, për në fazën finale dhe jo 23 siç u komunikua fillimisht, nga UEFA me organin më të lartë qeverisës, në botën e futbollit, në Evropë, që ka miratuar përfaqësimin e skuadrave me nga 26 futbollistë në listë.
UEFA dëgjoi kërkesat e trajnerëve të përfaqësueseve që do të marrin pjesë në Evropian, gjatë një seminari në fillim të muajit prill dhe vendosi të miratojë atë që shumica donte, një listë me 26 futbollistë, teksa sipas raportimeve më të fundit, të mediave të huaja, vendimi është marrë dhe hartuar, teksa pritet vetëm të firmoset nga presidenti Ceferin, para se të publikohet në faqen e tyre zyrtare.
Ky vendim është një lehtësim për trajnerët, që do të kenë mundësi të marrin më shumë futbollistë me vete dhe të jenë të përgatitur edhe për skenarë si dëmtimet.
Nga kjo listë “extra large” mund të lehtësohet jo pak edhe tekniku Sylvinho, që do ta ketë më të lehtë të përzgjedhë 26 emra mes futbollistëve që ka në plan për të marrë në Gjermani, në mënyrë që mos lërë shumë të pakënaqur.
