Historia e presioneve, kërcënimeve apo dhe gjërave të tjera të ngjashme me to, në lidhje me përfshirjen në formacion apo në skuadër, janë bërë një objekt i zakonshëm kohët e fundit tek Vllaznia dhe i diskutuar jo pak edhe në media.
E pat deklaruar Cungu fillimisht, më pas ndodhi incidenti me Gjokën që tentuan ta therrin, por në fakt, Lika në 9 muajt e qëndrimit në krye të Vllaznisë, asnjëherë nuk u ankua për një gjë të tillë.
Sot gjatë prononcimit të tij të parë, trajneri i ri i kuqebluve Agim Canaj bëri të ditur se mbrëmë kishte patur edhe një bisedë me ish- trajnerin teksa ka biseduar me të në lidhje me skuadrën.
Pikërisht pasi e ka thënë këtë, ai është pyetur nëse Hasan Lika i kishte treguar për presione, kërcënime apo dhe probleme të tjera që mund të hasë tek Vllaznia për ndërhyrje në formacion dhe i është kërkuar të përgjigjet se si do t’ia bënte?
Përgjigja e Canajt ka qenë shumë interesante kur është përgjigjur: Nuk kam komunikuar për asgjë nga këto që thoni ju me Hasanin (Likën). Unë është hera e tretë që vij në Shkodër dhe të them të drejtën nuk kam patur asnjë kërcënim apo problem.
Njeriu kur është korrekt në të gjitha marëdhëniet me njerëzit dhe i jep hakun gjithësecilit, kam dalë lirshëm nëpër qytet dhe shpresoj që edhe kësaj rradhe të bëj gjënë e duhur sepse futbolli është futboll, ka aftësitë dhe unë kam ndarë çdo gjë dhe të gjithë më njohin shumë mirë se kush është figura e Agim Canajt”.
© shkodrasport.com
