Me rastin e Laureus World Sports Awards 2024, Fabio Capello-s iu kërkua të lidhte fjalën “gjeni” me disa kampionë nga bota e futbollit.Nga Diego Armando Maradona te Ronaldo “Fenomeni”, deri te Lionel Messi dhe CR7, të cilët kanë dominuar skenën ndërkombëtare në 15 vitet e fundit.
I shoqëruar nga ish-futbollistë të kalibrit të Raul, Desailly, Gullit dhe Del Piero, Fabio Capello pati mundësinë të ndajë disa anekdota nga karriera e tij si trajner, e më pas u fokusua te kampionët si Messi dhe Cristiano Ronaldo, të destinuar të krahasohen që në fillim të rrugëtimit të tyre:
“Cristiano Ronaldo është një lojtar i madh, ai fitoi tituj, Topin e Artë, por ai nuk ishte aq i madh sa Messi. Ronaldo është një golashënues i madh dhe mund të bëjë gjithçka, por ai nuk është një gjeni.
“Messi? E pashë Messin te Trofeu Gamper dhe 20 apo 25 minuta pas ndeshjes iu afrova Rijkaard dhe i kërkova që ta huazonte tek unë për atë sezon. Ai ishte një gjeni.
“Lojtari i Barcelonas, Lamine Yamal ka shumë cilësi dhe është shumë interesant, por ai nuk do të jetë një gjeni. Messi, Pelé dhe Maradona ishin gjeni”, përsëriti me forcë ish-trajneri i Milan-it, Roma-s dhe Juventus-it./telesport/
