ATLETIKE

Një aktivitet shumë I rëndësishëm do të zhvillohet pasditen e sotme në pistën e stadiumit “Loro Boriçi” të Shkodrës. Do jetë aktiviteti tradicional që zhvillohet tashmë nga klubi shumësportësh Vllaznia në bashkëpunim me Federatën Shqiptare të Atletikës, pra dita e kërcimeve. Ndryshe ky aktivitet ka edhe emrin e ish- kampionit dhe rekordmenit të shquar të atletikës shkodrane dhe atij shqiptare Hysni Bebeziqi. Jo më kot një aktivitet I tillë zhvillohet në Shkodër sepse ky qytet ka një traditë të shkëlqyer në garat e kërcimeve, si në atë së gjati edhe në trehapësh.

Paraqitja e djeshme në turneun ndërkombëtar të Tivarit të Malit të Zi e atletëve shkodranë ka qenë shumë e mirë. Njëri prej tyre, pikërisht Izmir Smajlaj ka zënë vendin e parë në garën e kërcimit së gjati. Në fakt në këtë disiplinë ka patur një konkurrim shkodranësh sepse përveç Smajlajt, ka marrë pjesë edhe atleti tjetër i Vllaznisë Gledis Halluni si dhe shkodrani që konkurron për Tiranën Admir Bregu. Ky i fundit siç dihet është edhe rekodmeni në fuqi i kësaj gare në vendin tonë me 7.75 m. Në këtë garë fitues ka dalë Izmir Smajlaj që ka kërcyer 7.31 m në Tivar duke zënë kështu vendin e parë, i dyti është renditur Gledis Halluni me 7.26 m dhe i treti Admir Bregu me 7.22 m.

Kombetarja e Shqiperise ne atletike per meshkuj do te marre pjese ne nje aktivitet nderkombetar qe do te zhvillohet ne Tivar te Malit te Zi. Kuqezinjte e atletikes ne perberje do te kene atlete qe vijne thuajse te gjithe nga skuadra e Vllaznise. Po ashtu edhe trajneret jane thuajse te gjithe nga Shkodra dhe qe drejtojne ekipet kuqeblu. Keshtu ne 200 meter nga Shkodra do te marre pjese Elvedin Meti qe u shpall fitues i Kupes se Shqiperise para pak ditesh. Ne garen e kercimit se gjati dhe 3 hapesh do te jete Izmir Smajli i cili po ashtu arriti nje rezultat mjaft pozitiv sefundmi ne Kupen e Shqiperise.

Ashtu siç pritej, ekipi i Vllaznisë për të rritur, është shpallur fitues i Kupës së Shqipërisë për vitin 2013. Garat janë zhvilluar pasditen e djeshme në stadiumin kombëtar "Qemal Stafa" dhe janë shoqëruar me një rivalitet të madh në mes ekipeve pjesmarrëse. Shkodranët kanë marrë pjesë me një ekip të plotë të përbërë nga 23 sportistë në këtë eveniment të rëndësishëm dhe paraqitja e tyre ka qenë shumë e mirë. Nuk kanë munguar vendet e para në shumë disiplina sportive.

Vllaznia për djem, ashtu siç pritej, është shpallur kampione kombëtare në kampionatin e 18 vjeçarëve të zhvilluar pasditen e sotme. Garat kanë patur shumë rivalitet por në fund kanë triumfuar shkodranët. Kampionati është zhvilluar si zakonisht në stadiumin "Qemal Stafa" në Tiranë dhe në të kanë marrë pjesë të gjithë ekipet e vendit me sportistët e tyre më të mirë. Vllaznia ka qenë e kompletuar në të gjitha disiplinat sportive. Trajnerët Vildan Tufi, Albert Marashi, Isak Bala, Fatjon Serhati dhe Dorjan Tafa kanë punuar në mënyrë të shkëlqyer gjatë gjithë kësaj periudhe derisa kanë korrur suksesin sot. Në fund të garave të sotme, Vllaznia ka arritur të grumbullojë 98 pikë duke zënë vendin e parë dhe shpallur kampione për vitin 2013.

Diten e sotme ne Tirane do te zhvillohen garat e kampionatit te 18 vjeçareve ne atletike. Vllaznia sigurisht qe udheton drejt kryeqytetit me objektiva te qarta per t'u shpallur kampione e vendit. Ekipi shkodran eshte kampion i vendit ne fuqi ne kete grupmoshe dhe natyrisht qe konsiderohet edhe pretendenti kryesor per ta fituar serish ate. Atletet dhe trajneret e tyre kane kohe qe pergatiten per kete gje. E rendesishme perveç zenies se vendit te pare si ekip sigurisht qe eshte edhe arritja e rezultateve sa me te mira per çdo sportist.

Ditën e djeshme në Tiranë është zhvilluar kampionati kombëtar për moshat 13 dhe 16 vjeç në atletikë. Në garat e zhvilluara në pistën e stadiumit "Qemal Stafa", krahas sportistëve të tjerë kanë marrë pjesë edhe ato të Vllaznisë të drejtuar nga trajnerët Vildan Tufi, Albert Marashi, Dorian Tafa dhe Fatjon Serhati.

Shkodër 1920: Gara e parë atletike

Garat e para publike në atletikën e lehtë në Shqipërinë datojnë në vitin 1920 në qytetin e Shkodrës. Themelimet e tyre kanë të bëjnë me themelimin më 1919, të asaj që njihet si Shoqnia “Vllaznia” e Shkodrës, me kryetar atdhetarin e shquar Hil Mosi. Shoqnia Vllaznia e 1919-tës,  prej ku vjen klubi shqiptar i mirënjohur shumësportesh, Vllaznia e sotme, është  ajo shoqëri kulturore sportive e cila më 1920 ka organizuar pra, edhe garën e parë atletike publike në Shqipëri.

Për vitin 2012 ka qenë një nga tre trajnerët më të mirë të zgjedhur nga anketa e organizuar nga klubi shumësportësh Vllaznia në bashkëpunim me atë të futbollit. Bëhet fjalë për trajnerin e atletikës Albert Marashi. Ai edhe në garat e fundit të zhvilluara në Tiranë, ka bërë një paraqitje të mirë bashkë me sportistët që ai stërvit por edhe të tjerët e ekipit të Vllaznisë. Duke folur në lidhje me këto gara, trajneri Marashi është shprehur kështu për gazetën online www.shkodrasport.com: "Paraqitja e bërë në Kampionatin Individual Dimëror nga atletët e Vllaznisë ka qenë mjaft e mirë, çka premton për aktivitetet e ardhshme.