ATLETIKE

Në rradhët e ekipit kombëtar të atletikës që do të marrë pjesë në Kampionatin Ballkanik të Sallave të Mbyllura, do të jenë edhe dy sportistë të ekipit të Vllaznisë. Bëhet fjalë për Bajram Muçën dhe Elvedin Metin. Të dy këta sportistë, bashkë edhe me Durjan Idrizajn, janë shpallur kampionë në garat e Kampionatit Individual Dimëror që u zhvillua pak ditë më parë në Tiranë. Por nga këta tre sportistë, vetëm dy prej tyre, kanë fituar të drejtën të jenë pjesë e kombëtares që do shkojnë në Ballkaniadën e Sallave të Mbyllura.

Tre atletë të Vllaznisë kanë arritur të zënë vende të para dhe të shpallen kampionë në Kampionatin Individual Dimëror që u zhvillua ditën e djeshme në Tiranë. Ata janë Bajram Muça, Elvedin Meti dhe Durjan Idrizaj. Muça ka konkurruar në garën e 60 metrave me pengesa dhe aty i ka sfiduar të gjithë kundërshtarët e tij teksa me kohën 8"39 ka zënë vendin e parë dhe është shpallur kampion në këtë garë. Meti ndërkohë ka konkurruar si zakonisht në 400 metra dhe aty ka arritur kohën 50"42 duke zënë vendin e parë. Më i miri është shpallur edhe Idrizaj në garën e kërcimit trehapësh teksa ka kërcyer 13.80 metra.

Të premten në Tiranë do të zhvillohet kampionati Individual Dimëror në atletikë. Kjo është gara e parë sezonale për atletët tanë që në fakt duhej të zhvillohej në salla të mbyllura por në mungesën e një salle të tillë, në Shqipëri çuditërisht vazhdohet sërish të zhvillohet në ambjente jashtë. Garat do të zhvillohen në pistën e stadiumit "Qemal Stafa" dhe shpresat janë që të paktën të mos ketë reshje shiu për të ndikuar në rezultatet e sportistëve. Ekipi i Vllaznisë pritet të marrë pjesë me sportistët e tij më të mirë në këto gara dhe natyrisht që pretendon disa vende të para.

Atletika shkodrane ka dhuruar mjaft suksese gjatë vitit 2012 dhe premton të njëjtën gjë edhe për vitin 2013. Premtimi vjen nga njëri prej trajnerëve të Vllaznisë, pikërisht i mirënjohuri Vildan Tufi. Në prononcimin e tij, trajneri i mirënjohur, kryesisht i garave të kërcimit, ka bërë një analizë të shkurtër të ecurisë së sportistëve të tij por edhe të ekipit të atletikës së klubit shkodran. "Viti që lamë pas ka qenë i mbarë për atletikën shkodrane. Ajo ka vazhduar sërish me ritualin e titujve kampionë si ekip, madje jo vetëm me të rriturit por edhe me moshat.

Tre atletë të Vllaznisë kanë “kërcënua” me largim nga Shkodra nëse vëmendja ndaj tyre nuk ndryshon. Dhe nuk bëhet fjalë për sportistë çfarëdo. Janë tre kampionë kombëtar të këtij viti e pikërisht Ardit Rrashi, Elvedin Meti dhe Izmir Smajlaj që të pakënaqur me trajtimin që u bëhet, kanë bërë të ditur se mund të shohin qëndrimin e tyre të mëtejshëm tek ky klub. Pas tyre mund të jenë edhe të tjera që ka mundësi ta bëjnë këtë gjë. Ofertat në fakt në adresë të tyre nuk mungojnë pasi janë atletë kampionë dhe për rrjedhojë, ata kushdo I merr. Pasditen e djeshme, teksa këta tre sportistë po stërviteshin në pistën e stadiumit “Loro Boriçi”, kanë ngritur këtë shqetësim duke marrë shkas edhe nga ulja me 40 për qind e trajtimeve të tyre ushqimore deri në fund të këtij viti.

Atleti shkodran Bledar Mesi ka qenë një nga fituesit e Maratonës Ndërkombëtare të Tiranës që është zhvilluar ditën e djeshme në kryeqytetin tonë. Ai ka konkurruar në disiplinën sportive 10 kilometra dhe në këtë garë ka zënë vendin e parë me kohën 35'19". Në vend të dytë ai ka lënë një tjetër atlet shqiptar, Jani Notin me 24 sekonda më shumë ndërsa në vend të tretë ka dalë atleti kosovar Ron Krasniqi. Mesi është një nga atletët më të mirë shqiptar në garat e gjysmëthellësisë dhe këtë e ka treguar edhe në Maratonë e zhvilluar dje në Tirana ku kanë marrë pjesë me qindra e qindra sportistë nga mbarë vendi por edhe të ardhur nga shtete të tjera.

Dy emra të njohur të atletikës shkodrane dhe asaj shqiptare, pikërisht Oltion Luli dhe Arben Mlloja, janë rizgjedhur sot si anëtarë të kryesisë së Federatës Shqiptare të Atletikës. Asambleja Zgjedhore e kësaj Federate ka zhvilluar punimet sot në Tiranë dhe në të kanë marrë pjesë pjestarët e të gjithë klubeve dhe shoqatave të atletikës. Në fund të punimeve, siç është e zakonshme, janë bërë edhe zgjedhjet për anëtar kryesie të kësaj Federate por edhe për postin e presidentit. Pas votimeve të bëra, Gjergj Ruli është rizgjedhur si president i atletikës shqiptare ndërsa në gjashtë vendet e tjera të kryesisë, sipas rezultatit të votimit, kanë fituar edhe dy shkodranët Luli e Mlloja.

Sukseset me grupmoshat dhe fitimi I Kupës së Shqipërisë për këtë vit, kanë qenë vetëm nisja e rrugës së sukseseve për ekipin e meshkujve të Vllaznisë në atletikë për të rritur. Ky ekip ka arritur të zërë vendin e parë dhe të shpallet kampion I Shqipërisë edhe për vitin 2012 duke e bërë pronë të tijën këtë trofe prej vitesh me rradhë. Atletët shkodranë kanë dominuar në shumicën e garave ku spikat triumfi I atletit Ardit Rashi në garën e 100 metrave, I Elvedin Metit në 200 metra, I Elton Bitinckës në 110 metra me pengesa, I Bledar Mesit në 3000 metra me pengesa, I Besmir Pepës në hedhjen e shtizës dhe I ekipit të Vllaznisë në garën stafetë 4 x 100 metra.

Pasditen e së enjtes, në Shkodër është zhvilluar "Dita e Kërcimeve", një aktivitet ky i organizuar nga Federata Shqiptare e Atletikës dhe Klubi Shumësportësh Vllaznia. Kuptohet që në këtë qytet, vetëm kërcime mund të zhvillohen pasi për disiplinat e tjera të sportit të atletikës, nuk janë mundësitë për t'u ushtruar në pistën e stadiumit "Loro Boriçi". Në këtë ditë, kanë marrë pjesë kërcyesit më të mirë të vendit të cilët kanë dhuruar gara shumë të bukura. Në atë të kërcimit së gjati, ka patur një rivalitet mes Admir Bregut dhe Izmir Smajlajt. Ka fituar shkodrani Bregu që konkurron me Tiranën i cili ka kërcyer 7.48 m.